"ദി അൾട്ടിമേറ്റ് വിന്നർ" വിദ്യാർത്ഥികളുടെ സമഗ്രവളർച്ച ലക്ഷ്യമാക്കി തയ്യാറാക്കിയ ഒരു സമ്പൂർണ പുസ്തകമാണ്. നല്ല സ്വഭാവവും പക്വതയുമുള്ള വ്യക്തിയായി വളരാൻ ആവശ്യമായ പല പ്രധാന വിഷയങ്ങളും ഇതിൽ ലളിതമായി അവതരിപ്പിച്ചിരിക്കുന്നു. സ്വഭാവരൂപീകരണം, അച്ചടക്കം, നല്ല ശീലങ്ങൾ, ഹോബികൾ, പഠനരീതികൾ, പരീക്ഷാഭയം, ആത്മനിയന്ത്രണം, ഇലക്ട്രോണിക് മാധ്യമങ്ങളുടെ ശരിയായ ഉപയോഗം, പണവും സമ്പത്തും കൈകാര്യം ചെയ്യൽ തുടങ്ങിയ വിഷയങ്ങൾക്കൊപ്പം പ്രണയം, ലൈംഗികത, ലൈംഗിക വിദ്യാഭ്യാസം, ജീവിതമൂല്യങ്ങൾ, സദ്ഗുണങ്ങൾ തുടങ്ങിയ പ്രധാനപ്പെട്ട കാര്യങ്ങളും ഈ പുസ്തകം ചർച്ച ചെയ്യുന്നു. ജീവിതത്തിൽ വിജയിക്കാനാഗ്രഹിക്കുന്ന ഓരോ വിദ്യാർത്ഥിയും ഒഴിവാക്കേണ്ട അപകടകരമായ ശീലങ്ങളെയും തെറ്റായ വഴികളെയും കുറിച്ചും ഈ പുസ്തകം വ്യക്തമായ മാർഗനിർദേശം നൽകുന്നു.